kabhi kabhi mere dil mein khayal aata hai

Kabhi kabhi mere dil mein khayal aata hai ki ye sala ho kya raha hai mere life mein be. Pehle to kitni smooth chal rahi thi meri life ki gadi. Sab kuch kitna achha chal raha tha. Kitna masti karta tha apne doston ke saath, wo college se bhag aana ghar ko, wo classes ka mass bunk karna, aur wapas aate hi movie dekhne jana, wo railway station ki taji hawa, wo daily market ki garma garam jalebi, aur wo rajendra park mein bitaye hue hasin pal,wo boating club ki mastiyan, wo college chowk ki galiyan, aur wapas sonepur aa ke wo pokhal bhaat ka maja lena, aur apne purane yaaron se milna, wo 30 km dur ja ke thengo dam pe time pass karna, wo Mahanadi ke bridge ke upar hamari  aapu chaapu discussion.

Aur phir pata nai kahan se achanak ye pain aa gaya meri jindagi mein, ab kuch bhi pehle ki tarah nai raha sab badal gaya tha,ab to har waqt bed pe hi pada rehta hun main, bahut pain hota rehta hai, ab bas pc ke saamne hi leta rehta hun main, sab doston se shirf facebook ye phone se hi contact mein hun. Bahut bura lagta hai.

Kya din the yaar college ke, kitna masti kiya karte the, teachers logon ko pareshan karna, wo class mein ghuste hi bolna ki sir aaj achha nai lag raha hai aaj nai padhte hum, wo madam ka class ke andar aate hi sabko ek saath pyas lagna aur pura class bahar chala jata tha, aur wo ek psycho ka bar bar mujhe palat ke pagalon ki tarah dekhna, itna dimag ka dahi karti thi na wo ki pucho mat, sala idhar ye piche padi hui thi aur upar se mujhe kisi aur se pyar hai, jo ki mujhse pyar nai karti. meri life bhi kamal hai yaar, itni saari ladkiyan line de rahin hain mujhe aur main sala gadha pagal pata nai kyun usi ladki se pyar karta hun. Koi aur dikhta hi nai hai mujhe.

Yaar abhi life mein sab bahut ulta chal raha hai, abhi tak mujhe job bhi kar lena chahiye tha, lekin sala ye pain picha hi nai chodta. Ghar mein bhi sab kitna pareshan hain ki main kab thik hounga, koi bhi puchta hai kit u kab thik hoga to main bolta hun ki jaldi thik ho jaunga yaar, par sala ye do saal se main aise hi bol raha hun par kuch ho nai raha hai mere saath, jab bhi main khus hota hun ki haan chalo yaar ab thoda pain kam gaya hai aur ab jaldi hi thik ho jaunga, to ye pain ko bhi kahan se ek mauka mil jata hai phir se mere pe kabu karne ka, aur meri halat phir jaisi ki waisi.

Well ab kuch bhi ho yaar mere paas wait karne ke alawa aur koi option nai hai, so m gonna wait till I get 100% fit and then dekhte hain ki kya hota hai, hope to hai ki jaldi thik ho jaunga and will rock the world.

To doston yahi hota hai jab kabhi kabhi mere dil mein khayal aata hai.